剛啱田戰兩匹前李廐馬轉倉初出即勝，睇怕李易達本身都唔係咁好受，唯一要做當然係贏多啲馬，畀番馬主信心。今朝李易達一早到場督操檢視戰馬，其中頭場「不老精英」操練前後，見佢全程跟到實，接馬後又捉住鞍上人楊明綸問長問短，顯得好緊張。周三適逢李易達牛一，「不老精英」休出即跑贏馬路程谷草1200米，仲排埋一檔，咁好機會應該唔會嘥啩！