武漢肺炎肆虐,今年2月初,警覺性甚高的菲律賓政府即實施封關,不少返鄉菲傭都未能返港開工,區永權的菲傭都未能返港,結果當日由日本滑雪回家的兩夫妻就要夾手夾腳照顧一對停課囝囝,分身乏術。近日菲律賓放寬容許菲傭返港,區永權家中的菲傭昨晚回歸區家,他今日在FB貼圖和留言:「熱烈歡迎『姐姐』歸位,超過一個月沒有姐姐嘅日子終於過去,姐姐由家鄉成功順利返港,而我亦可以完成我『光榮家務』嘅重任啦。正當我以為我比任何人更掛念姐姐,點知兩個仔嘅思念之情,原來比我更甚!由返屋企一刻至今,與姐姐簡直有講不完嘅話題,絕對係雞啄唔斷,佩服佩服!好不容易嘅2月經已過去,希望『姐姐歸位』,係意味住一切回歸正常嘅第一步,一個好開始!繼續努力,繼續加油!」