荷李活男星積嘉倫賀（JakeGyllenhaal）亮相前晚由美國名嘴JimmyFallon主持嘅節目，兩個化身警察演趣劇，仲不停食嘢將食物同飲料噴到對方臉上，場面相當核突兼浪費食物。

Jimmy喺節目間唔中都會請嘉賓上去同佢玩互噴，前晚播出一集就請嚟積嘉倫賀陪佢玩。佢哋開初將嘢飲互噴，繼而狂食餅、蘋果、忌廉同奶昔兜口兜面噴到對方臉上，Jimmy玩到假鬚都甩埋，佢哋期間又忍唔住狂笑，積嘉倫賀仲狠到成杯奶昔倒落Jimmy身上。