翁靜晶同男友何彪，以及兩位律師樓職員，今早到定慧寺門口，接受訪問時，稱收到線報指定慧寺又辦法會，她說：「因為香港已經冇和尚會去定慧寺做法事，不過接到線報，佢哋已經做咗3日法事，今日係第3日，有一場比較大嘅法事，今日係傳統佛教叫做佛歡喜日，出家人嘅過年，我哋知冇香港出家人會嚟呢度做法事，如果嚟得，都係一啲大陸嘅和尚，拎住一啲旅遊簽證，我哋今日就想行動去睇一睇。」

早上10時40分，翁跟一位深信師傅嘅善信對質，這位善信喜歡幫師傅，指師傅忍辱負重，善信解釋佛偈：「其實呢，舉頭三尺，點解呢，實際情況唔係三尺，係三寸呀各位，嗰個係每個人出世，天生就有嘅一個守護神……」翁靜晶聽完這位善信的教誨，翁說：「我會研究，研究。」

過了10分鐘，寺內有人報警求助，兩名警察步出，未有透露案情，查翁靜晶身份證，之後有三名警察到場。

中午12時10分左右，警察亦有入寺內，查看有否「黑工」，逐個查身份證，警方指寺內只有三、四個信徒，以及法師在場，裡面有人手持旅遊簽證，「不過佢哋唔係做嘢，唔可以落案，可能只係參拜、參觀，冇見到工作性質，所以唔可以任何落案」，警方收隊，事件中沒人被捕。