當年今日

攝影師夏永康唱好香港
舒淇、吳彥祖獲帶挈登陸英國

蘋果日報 2002/07/27 00:00


從事攝影創作的夏永康在剛出版的八月號英國潮流雜誌《i-D》,以百分百本地班底,找來舒淇與吳彥祖為模特兒,拍攝了一輯極富戲劇味道的照片,並帶出香港文化有很多可取之處的訊息。
衝出本地進軍外國市場已經不是幕前明星的專利,一直與王家衞合作的攝影師夏永康,成功打入日本市場後,最近他更自組本地班底包括幕前幕後工作人員,為英國潮流雜誌《i-D》拍攝了一輯照片,風格十分moody,極有戲劇的味道。
據知該輯相面世後,在英國的反應極佳,《i-D》更旋即邀請夏永康為他們再次操刀拍攝新一輯相。

展示實力
夏永康為《i-D》拍攝的照片所用的班底,全是精英分子,夏永康負責攝影,星級化妝師Zing為舒淇及吳彥祖化妝,文念中負責場地布置的概念。
問夏永康這輯照片其實想帶出甚麼訊息予英國的《i-D》讀者?他昨日在電話訪問中說:「我希望展示出香港製作人嘅實力,話畀大家聽香港文化有好多可取之處,唔係只係模仿同抄襲。」

流露童真
夏永康續說:「我影呢輯相,喺燈光方面刻意想moody啲,好似電影劇照咁。而批相內嘅舒淇都唔係大家見慣嘅性感女神形象,反而流露出佢童真嘅一面。我哋影嘅呢輯相,動用嘅工作人員連埋臨時演員在內,有成二十幾人,好似拍戲咁認真,英國《i-D》嗰邊派咗個做styling嘅工作人員嚟,佢見我哋咁大陣仗,都好驚訝。」
由於這一輯照片令《i-D》很滿意,雜誌旋即邀請夏永康為他們再操刀。
而已經拍攝好的新一輯未面世照片,夏永康表示以上海為主題,他說:「我本來想搵內地女星周迅做model,但係最終度唔到期,最後我哋搵咗一個外形富濃厚中國味道嘅model演出。」