隔牆有耳：吹水安極度緊張 - 李八方
蘋果日報 2009/12/21 00:00
澳門，確係與別不同。
「笨忍吹屎安池宣屍，笨忍就任鍾畫忍抿攻禍國歐抿特別癬政區癬政長官……」吹水安噚日正式宣誓，成為澳門揸fit人。雖然啲澳門網民話聽唔明佢講乜，但呢啲只係微枝末節，阿爺深慶得人咪得囉。
「笨忍吹屎安池宣屍，笨忍就任鍾畫忍抿攻禍國歐抿特別癬政區癬政長官……」吹水安噚日正式宣誓，成為澳門揸fit人。雖然啲澳門網民話聽唔明佢講乜，但呢啲只係微枝末節，阿爺深慶得人咪得囉。
回族同胞床單疾書
澳門特區政府又確實冇令阿爺失望喎，好似今次回歸十周年慶典咁，為確保胡總喺「零意外」下見證呢個歷史時刻，澳門政府超緊張，唔止封關鎖海趕絕示威者，甚至連愛國愛澳嘅內地遊客同香港小市民，想話自發向胡主席表達祝賀心情，都唔放過，照樣封殺。
噚日朝早，胡主席喺澳門蛋出席新一屆澳門特區政府就職儀式，警察、安全部門人員自然十分緊張。大約9點過後，澳門蛋外突然出現咗四名不速之客，包括三個自稱係回族人嘅內地遊客，同埋一位來自香港嘅市民。
眼見澳門有今日，回族同胞情緒相當高漲，帶頭嘅一位先生話，睇新聞知道胡總嚟咗澳門，心情激動，開心到成晚瞓唔着，凌晨3點心血來潮，於是扯開酒店張床單，用紅色雙頭筆揮筆疾書，寫下「祝胡主席萬壽無疆，熱烈慶祝澳門回歸十周年」嘅橫額，諗住向經過嘅胡總車隊揮舞。至於另一位中年港男就不停向在場記者打聽胡總行蹤，十足胡總粉絲咁款。
噚日朝早，胡主席喺澳門蛋出席新一屆澳門特區政府就職儀式，警察、安全部門人員自然十分緊張。大約9點過後，澳門蛋外突然出現咗四名不速之客，包括三個自稱係回族人嘅內地遊客，同埋一位來自香港嘅市民。
眼見澳門有今日，回族同胞情緒相當高漲，帶頭嘅一位先生話，睇新聞知道胡總嚟咗澳門，心情激動，開心到成晚瞓唔着，凌晨3點心血來潮，於是扯開酒店張床單，用紅色雙頭筆揮筆疾書，寫下「祝胡主席萬壽無疆，熱烈慶祝澳門回歸十周年」嘅橫額，諗住向經過嘅胡總車隊揮舞。至於另一位中年港男就不停向在場記者打聽胡總行蹤，十足胡總粉絲咁款。
祝胡主席萬壽無疆都被人帶走，唔通應該祝億壽無疆先啱數？
港男等主席企錯位
查實佢哋根本企錯位，連主席座駕嘅車尾燈都睇唔到。但現場保安相當緊張，先派人過嚟查佢哋證件，問佢哋有乜目的。冇耐就準備好兩部私家車，話基於安保理由，就算佢哋想慶賀回歸，都唔可以喺澳門蛋外逗留。
保安仲話咁快就搶走咗回族同胞張歡迎橫額，回族同胞想攞番，保安就堅持要佢哋上車先可以拎番。港男就始終嚟自香港，面對強權冇咁順攤，以警察唔可以侵犯佢人身自由，唔肯離開，點知警察強行動粗，將佢拖上車。呢位港男一邊大叫「Objection!Objection!」但係反對無效，唔使十秒鐘，就俾人挾走咗，相當可憐。
mailto:[email protected]
保安仲話咁快就搶走咗回族同胞張歡迎橫額，回族同胞想攞番，保安就堅持要佢哋上車先可以拎番。港男就始終嚟自香港，面對強權冇咁順攤，以警察唔可以侵犯佢人身自由，唔肯離開，點知警察強行動粗，將佢拖上車。呢位港男一邊大叫「Objection!Objection!」但係反對無效，唔使十秒鐘，就俾人挾走咗，相當可憐。
mailto:[email protected]
呢位香港人（右二）睇吓熱鬧都被人圍，冇陰功。