張栢芝與謝霆鋒相戀後，聲勢似有下跌的趨勢，最新一期《壹週刊》更指栢芝走向末路，原本由她做代言人的Canon相機、法國婚紗及Regene廣告，都紛紛決定換人，並指她早前推出的唱片銷量欠佳，環球唱片對她已採半放棄態度。

內地受歡迎
昨日中國星公司老闆向華強在電話中力撐栢芝說：「我真係好唔高興，公司一直好支持栢芝，佢嘅工作都安排得密麻麻，又點會話走向末路？佢喺內地不知幾受歡迎。」
而中國星發言人李小姐則補充說：「栢芝同Canon已經傾緊續約，而法國婚紗重有一個月先約滿，不過都傾緊新約，至於Regene約滿之後亦傾緊再簽硬照廣告，另外內地又有兩、三個廣告傾緊。」
此外，三T小花之一的劉思惠，近日成功爭贏張栢芝成為美津村新一輯廣告的代言人。
據美津村總監透露，未聯絡劉思惠之前，曾接觸張栢芝及其他女星，但因栢芝有其他類似產品的廣告，才會放棄用她。