「香港係英國殖民地又好或者依家回歸又好，香港都係我屋企」呢番說話或者係好多香港人嘅心聲，名人周啟邦之子周國豐，從小居住於英國，受英式教育及文化薰陶，言行舉止都似英國紳士，但在他心目中，有一個叫香港的地方才是他永遠的家。

1997年，當香港回歸之際，他被家人安排往英國讀書生活，多年後回港成為大律師，中間一別十數年，「返黎覺得無論係建築物，或者係社會氣氛，或者個感覺係唔同左」 他坦言回歸是一個大轉變，提到近年政府銳意去殖，他對此能到可惜，亦表示「想保留返少少呢啲英國文化，因為呢個始終係香港嘅一部份，亦都係香港人個文化記憶嘅一部份」

被問到關於兒子的未來發展，他直言「如無意外我都會SEND我兩個仔去讀書」，從小接受傳統英式教育的他，更指出香港與英國教育制度的分別「英國好重視個人發展，同埋係多方面，每一個人都有自己專長，香港無呢啲，好多學生都係成績可能好叻，個人性格development唔太足夠」

由於讀書時期是以傳統西裝作為校服，令周國豐深受影響，「我覺得做西裝係一個好正嘅experience，可以去揀唔同嘅布料，同裁縫有個溝通，然後做一個真正屬於你嘅西裝」正因為多年來堅持這理念，他於今年初開設男士生活品味店Attire House，引入外國著名西裝品牌，主打度身訂造西裝。他更透露以往英式裁縫、鞋匠，都不願意去英國以外地方接單，但近年亞洲市場逐漸成長，便特意請來英籍裁縫為客人服務。

他更即席教授男士的打扮技巧，認為每位男士都應該要有一件百搭的海軍藍西裝外套，於假日休閒時，可以搭配馬球襯衫或短褲。或者搭配灰色西裝褲，再配一件淺藍色襯衫、深色嘅呔及袋巾，便可出席任何正式場合。

採訪 梁錦雯 馮國康 Sapna
攝錄 吉吉 NEO
攝影 陳俊強
場地 Attire House