不過,以花旗國為基地嘅億創(E*Trade),就話會即將提升佢哋網上交易平台功能,畀美國人上網買賣包括港股在內嘅外國股票,睇嚟呢個將成為主流,其他股票行亦會相繼跟隨提供呢類服務。
億創提供上網跨地買賣股票嘅新服務,直接受惠當然係花旗國嘅小散戶,因為佢哋有更多投資渠道選擇,對港股嚟講亦屬於好消息,至少多一門投資客路。
不過,有人歡喜有人愁,華華相信,對芬佬嚟講肯定唔係好消息,因為唔少美國人透過基金投資外國股票,𠵱家億創提供上網買賣咁方便嘅渠道,或多或少會搶走一班DIY客人親自操刀投資。
[email protected]