JW今日到新城接受訪問，講到近來忙住做新歌，希望趕喺明年一月首個紅館演唱會前推出。講到演唱會，佢話已經諗到主題：「啲人成日話Never too late，但我哋覺得有機會可以做紅館演唱會要珍惜，所以係never too early去踏出嗰步。」

至於內容方面，JW話o依家一路參考緊其他演唱會偷吓師，透露會有特別環節，好想練番part勁舞：「我之前個concert係同廿幾個dancers一齊跳，但今次就會少啲人跳，同一或兩個dancers。」佢預告未必會有辣身舞：「我覺得自己跳唔出，我啲歌又冇辣身嘢，唔想特登為做而做，我又唔係走嗰個路線。」

歌衫方面，佢話已經交晒俾設計師負責，會唔會性感？佢話：「唔會太性感，應要凸顯嘅會凸顯，應收埋嘅會收埋，可能會將我個人拉高啲。」