54歲廚師香旭坤一向身體健康,無不良嗜好,7月22日凌晨在睡夢中猝死,遺下妻子及三名14至19歲在學子女。
家人已定於明天(8月15日)為香旭坤設靈,翌日出殯。蘋果日報慈善基金已撥款15,000元協助辦理身後事。
香太至今心情仍未平復,她形容丈夫是好好先生,更是全家人精神支柱,「佢好顧家,結婚廾幾年,家中事無大小佢都做到好好,唔單止識做飯、仲識裝修,喺我心目中佢係一位超人。佢同仔女關係好似朋友一樣,個女會叫佢花名『肥佬』,有咩事仔女都會搵爸爸傾‥‥‥。」好友吳女士也盛讚香旭坤為人:「佢喺茶餐廳返夜班,但係朋友有事求幫忙,佢朝早放咗工唔瞓覺都即刻趕嚟。」
香旭坤7月初出現心口翳悶,曾到急症室求診,惟醫生找不出原因,距料數周後突離世,初步診斷為冠心病發猝死。
「香旭坤遺屬」捐款編號:C3061
網上捐款: http://charity.appledaily.com.hk/donate