當年今日
關於我們

【尷尬㗎嘛】與亞視副總裁同場蘇錦樑聽到合照即閃開

蘋果日報 2016/02/15 06:00

蘇錦樑團拜聽唔到

香港電台今日舉行「靈猴賀豐年新春團拜」活動,仲邀請到商務及經濟發展局局長蘇錦樑擔任主禮嘉賓,無綫、亞視及有線電視等11個傳媒都有派代表到場。

雖然亞視仍然面臨緊清盤危機,不過都有派出亞洲電視副總裁陳興昌出席團拜,在場記者要求陳興昌同蘇局長合照,不過蘇局長就好似聽唔到咁,低頭行開咗。直至上台祝酒,蘇局長先至同陳興昌碰杯兼傾咗兩句。

陳興昌喺台上致賀辭嗰陣就話:「祝大家合家平安,家肥屋潤。全港媒體業務蒸蒸日上、事事如意!明天會更好!」唔知呢句蘇局長又聽唔聽到呢?