西甲亞軍巴塞隆拿想收購巴黎聖日耳門（PSG）中場馬高華拉堤，不過PSG死都唔放呢個意大利國腳，搞到雙方陷於僵局，巴塞似乎都等唔切，將目標轉向馬德里體育會嘅小國腳中場沙奧尼古斯度，仲話出到8千萬歐元（約7億港元）違約金買斷佢。

22歲中場沙奧尼古斯度正代表西班牙出戰U21歐國盃，表現仲幾唔錯，而且貴為全能中場，今季亦都列入馬體會常規正選。雖然馬體會正受FIFA轉會禁令影響，今夏只可以賣出球員，不能買入球員，法國前鋒基沙文就捱義氣決定唔走住，但如果巴塞真係出到8千萬歐元違約金，沙奧尼古斯度一樣可以離開，今次就睇下尼古斯夠唔夠義氣嘞。