當年今日
關於我們

【抗癌後遺症煎熬】司馬燕再服新化療藥臉色偏黃

蘋果日報 2014/06/08 06:00

司馬燕

今年年初、剛去完荷蘭補舉行婚禮嘅司馬燕,旅行期間突然感腹部劇痛,返到香港隨即被送到手術室,四日內接受過兩次手術。司馬燕擔心自己癌病復發,後來發現只係尿管發現有纖維瘤,幸好及時發現,但手術都雖由尾龍骨開刀至到胸口,有成12吋,包括切除部份肋骨以及植入膠管。

今日又有雜誌影到,司馬燕同老公吳忠義(Togi)去康怡廣場行超市,報道話,司馬燕瘦骨如柴,大熱天都要著長袖外套加頸巾,加上正服食緊新一期化療藥,膚色變得偏黃,仲有少少黑斑,不過,佢總算精神唔錯,同老公有講有笑,先到一間餐廳,司馬燕仲點咗一碗烏冬,一口接一口食,胃口都好好。但始終切咗個胃,所以老公不停叫佢「0趙爛啲、0趙爛啲」。

兩人之後入到超市,司馬燕堅持要自己購物,不時彎低身攞嘢,老公見狀不停為佢掃背。雖然司馬燕好痛,但見佢0依然笑得開懷。報道又透露司馬燕就算不為自己,都要為屋企人打呢場仗:「我一定要樂觀,唔想屋企人唔開心,人係要求生嘛!0依家啲人小小事要生要死,我份人見招拆招嘅!」大仔嚟緊會去英國留學,司馬燕又話,唔擔心兩個仔冇人照顧:「佢哋都大個仔,可以獨立,呢一年咩都可以發生,我自己就活多一日賺一日,每一日可以做好多嘢,唔當一回事!」