37歲甘比同65歲大劉劉鑾雄正式簽紙，結成夫婦，今日甘比以劉太身份，首次出席公開活動。甘比對上一次出席活動已是10月8日晚現身慈善晚宴，同場仲有鄺美雲等人，未有受訪。當時正值傳出大劉患重病，甘比當時需照顧大劉及一對子女，且備受追訪，壓力不小，更為此暴瘦。

結婚前幾日，甘比以10.5億向華置購入肇輝臺12號、共24個單位，據知其實係大劉俾錢嘅。今日肥番啲嘅甘比帶著女兒，到銅鑼灣皇室堡出席容祖兒、鄭希怡同Twins聯手賣二手衫活動，因為今次活動之舖位，由甘比免費提供，仲帶埋一對仔女到場打個招呼，逗留期間仲好開心同阿Sa、阿嬌佢哋social，心情似乎相當不錯，又一齊影大合照，不過未有受訪就離開，手上亦未有戴婚戒。