投資者發夢都期待着QE3成真，《金融時報》EdwardYardeni於6月29日已發表文章，重申QE2未能改善就業、失業率仍然高企之餘，通脹卻被熱錢推高，伯南克因此應該理解到貨幣政策終究並非萬應靈丹，雖然金價應聲創新高，然而同一份報章再發功，話大家對QE3又可能係諗多咗。
歐洲亦火頭處處，外患充斥之下，真係唔死都一身潺，皆因加埋中國因素配合，足以成為一場環球完美風暴。投資者會認為，上半年國內生產總值（GDP）按年增長9.6%，其中第二季度增長仍達9.5%，雖較上季9.7%增幅略為放緩，但仍保持環球數一數二甚至一時無兩的高增長，證明經濟軟着陸雖未至於百分百肯定，也應不會出現硬着陸。

不排除數據有水份

可是，大家要留意的細節是，中國經濟在第二季度環比仍增長2.2%，高於上一季度的2.1%及市場預期，證明中國第二季仍在增長；但內地6月份製造業PMI回落至50.9的28個月低位，然而同一個月規模以上工業增加值卻仍按年增長15.1%，更錄得去年5月以來最大升幅；工業生產數據與PMI及GDP叠起來看，不覺得很有點自相矛盾嗎？
個人有理由相信，上述數據或多或少有一定水份，甚至有為求創造形象工程之嫌，要延續總理溫家寶在《金融時報》對中國經濟硬着陸的反駁，若如是，創造者真係用心良苦，但不顧後果的行為更擾亂市場視察。
對下半年港股表現，暫時唔會睇得太好，M2及人民幣新增貸款仍高於預期，負利率持續，加息不會因通脹稍受控而收掣。對中國極其睇好的商品大王羅杰斯，都話縱使佢仍強烈睇好中國，但也不排除個別行業會出現「硬着陸」，這位中國大好友的言論，對於盲目唱好中國的市場評論，明顯又屬當頭棒喝！
胡孟青
獨立股評人