「放生」，呢個字就咁睇好似好美麗、好善良咁，但係處理得唔好，「放生」就會變咗「放死」。好似幾年前，有保育團體指有善信誤將淡水龜放落鹹水海，搞到唔少龜面臨生命危險，但係「人類總要重複同樣的錯誤」，今日又有人類疑犯上同樣嘅錯誤，就係薛凱琪喇。

今日薛凱琪喺IG同微博都貼咗幾張將龜「放生」去一個有沙有浪嘅地方嘅相同片，薛凱琪留言話：「復活節放生生！」「放他的時候他回頭看我們好幾次，好像跟我們說謝謝一樣！」係咪咁浪漫呀?網民唔係咁睇喎，有唔少有睇新聞嘅網民就留言鬧爆薛凱琪話:「巴西龜不能在海水中生存。」「丫Fi,巴西龜係淡水龜黎嫁，你放落個海度同殺左佢有咩分別。」「巴西龜是淡水龜來，放海等於間接殺了牠。」「r.i.p.Itmustbedie!」「R.I.P寵物不能放生。」

薛凱琪放嘅兩張相，係黑白色嘅，但就咁睇花紋真係幾似「巴西龜」，唔通真係「放生」變「放死」?

過咗一陣，阿Fi都睇到網民嘅留言，佢就回覆話：「大家都很關心菜市場的龜龜，謝謝你們！他們是淡水，所以我們都特別去了淡水的地方去放他們。他們本來是給別人買來吃的，現在他們不是食物啦！happyEastertoyouall.luvFIFI.」網民見條片又有沙又有浪，香港冇咩淡水湖係咁，話似沙灘多啲，不過佢哋都係驚隻龜有事啫。

其實除咗龜，好多寵物都唔應該放生，因為好多寵物都係人工飼養，佢哋冇天生嘅求生能力，放到大自然好易就會死，千祈唔好為咗一己自以為嘅善心，就害死無辜嘅動物呀!