【打工的態度】袁富華賣力做樓面 艾威滋悠淡定做收銀

蘋果日報 2020/06/18 14:03

艾威袁富華中佬唔易做
    艾威和袁富華兩位在ViuTV節目《中佬唔易做》分別被安排做油站收銀及茶記樓面，昨晚播出一集中兩人工作態度熱誠有強烈對比。袁富華在茶記內勤奮積極，肯學肯做，相反艾威在油站當收銀員，初哥的他滋油淡定，看似沒有絲毫壓力。
    袁富華由朝早開始上班至下午，本住滿足客人心態，務求令食客開心，經歷早午巿繁忙時間做到十分疲累，午後難得有放飯時間，獲得福利食雞扒飯和凍奶茶一杯，雖然要在貨倉進食但見他十分滿足，又懂得自我安慰：「同事們對我好好，近廚得食嘛。」後來劇組安排兩位男臥底到餐廳搞搞震點餐，之後又指食物味道過鹹咸要求取消，搞到埋單時要老闆出馬應對，袁富華只好乖乖站在旁邊學習，雖然最後老闆應客人要求取消收費，但袁富華亦忍不住說出一句：「下次早啲出聲。」事後他解釋：「老闆都同我講呢行咩人都有，有人專登挑剔你，但要以客為先。」最後要清潔掃地、拖地，袁富華說：「我以前都做過清潔，呢啲好簡單，印刷廠度仲難頂。」
    另一邊廂艾威中午時段只得半小時吃飯，買完飯盒回到公司只剩5分鐘時間開飯，急趕扒飯後又要埋位收銀，有女客人在店內購物，艾威貼心地拿着購物籃跟隨女客人購物，又落足嘴頭推銷，連女客人也好奇：「我買咗你有comission？」艾威因為不熟悉收銀運作進度緩慢，連嘟條碼都慢吞吞，被笑：「唔好以為係慢鏡，呢個係艾威正常速度，快到肉眼睇以為自己有幻覺。」艾威此刻仍然慢條斯理，解釋自己新上班，不過若論服務態度，艾威相當熱心，他最後風度地替女客人搬貨上車。鏡頭一轉，艾威竟在工作時間偷食小休，還大條道理：「個飯盒唔夠飽，食飯又得半個鐘。」
    收工後艾威覺得任務好輕鬆，並前往茶記突擊袁富華，袁富華第一句已大嗌好攰：「因為每樣嘢都要好集中學，落單有密碼，學識早巿就轉咗午市，又要學過，今日我喺舖頭行咗一萬步。」而艾威保持本色，立刻落單叫燒鵝腩瀨粉醫肚，並為自己的節奏慢解釋：「因為人開始老，想優雅地老去，例如思想、言行舉止都優雅。」
    -----------------------------
    打國際線 《蘋果》英文版免費試睇 按此了解更多
    英文版已登錄新版《蘋果》App按此下載/更新
    empty
    艾威慢鏡動作收銀。（ViuTV截圖）
    empty
    袁富華難頂卧底顧客攪攪震。（ViuTV截圖）
    empty
    艾威悠閒嘆茶餐。（ViuTV截圖）
    empty
    袁富華忙足一朝，終於可以抖抖食飯。（ViuTV截圖）
    empty
    艾威悉心為顧客介紹貨品。（ViuTV截圖）
    empty
    袁富華連抹地也非常落力。（ViuTV截圖）
    empty
    艾威放工即到茶餐廳探袁富華。（ViuTV截圖）