沃爾瑪（Wal-Mart）近來喺傳統媒體中最矚目嘅一宗新聞，應該要數它以10億美元代價收購大陸台資超市好又多（Trust-Mart），不過喺博客世界，呢間美資超級巨無霸以網誌來推動公關，才是真正風波話題。
事緣今年才成立嘅網誌《WalMartingAcrossAmerica》，主持網誌嘅情侶博客Laura和Jim由今年中開始，駕駛旅遊車在美國穿州過省，完成了2843里長征，並在網誌記載佢哋喺唔同地方沃爾瑪超市嘅所見所聞，結果被揭發原來係沃爾瑪公關愛德曼（EdelmanPR）在背後推動嘅WorkingFamilesforWal-Mart一部份，事件也引起美國博客界激烈討論網誌作商業宣傳嘅道德問題。

虛假博客欺騙讀者

雖然愛德曼作出公開道歉，不過反對沃爾瑪以網誌作為公關工具者認為，這既不是真正博客，也欺騙咗讀者。《BusinessBlogConsulting》嘅DaveTaylor更指出，沃爾瑪做法違反「口碑市場推廣學會」（WordofMouthMarketingAssociation）操守指引，博客界應考慮引入利益申報機制云云。不過，著名博客如DebbieWeil、NevilleHobson和微軟的RobertScoble等則認為，沃爾瑪借網誌達到公關目的，並無不妥，因為互聯網上發表意見嘅空間人人平等，不應該有任何限制。
事件至今仍在互聯網上激烈辯論，相信永遠也不會有一個既定結論。