星期日反港獨撐釋法大聯盟舉辦集會，不過相比表達訴求，唔少操方言嘅大媽大叔出席集會，佢哋又笑笑口影大合照又着晒「制服」，難怪有網民形容好似招呼緊各地鄉親訪港團嘅。一眾集會人士多次辱罵、批鬥梁頌恆同游蕙禎，不過非建制嘅政黨就一於少理喇，而有讀者報料尋日同一時間，集會「主角」之一、候任立法會議員游蕙禎就喺中環某咖啡店「等一個人咖啡」，不時查看手機，表情較為鬱悶，唔知喺咪因為司法覆核事件關影響心情呢。

讀者補充，全程唔見有其他人現身同游蕙禎同枱，相信佢獨自前往午膳。不過幾乎可以肯定嘅係，呢一餐係佢自己畀錢嘅，唔似得反港獨集會有12歲同學仔表示，出席集會有100大元收，完咗集會仲有人請食飯添，嗱，係同學仔自己坦白咋。