當年今日

求驗客手記:列斯英足盃 輸畀個郵差 - 求驗客

蘋果日報 2008/12/01 00:00


「你是一封信,我是郵差……」王菲呢首歌唱到街知巷聞,我求大俠腦裏即時諗起前NBA名將馬龍外,原來周日英足盃第2圈一球射爆列斯聯嘅蘭士頓(圖),佢本身正職都係郵差。希斯頓呢支非聯賽球隊,周日就係憑平時都係送吓信嘅蘭士頓一箭定江山,爆出大冷門以1:0踢列斯聯出局。唔講唔知,原來列斯聯歷史上從未輸過畀非聯賽球隊,今次都算瘀爆。不過另一個角度睇,列斯聯喺英足盃同英聯盃都出晒局,𠵱家佢哋喺英甲排第7,專心爭升班好過啦!