任賢齊是在農曆五月五日端午節出生,不知是否這個原因,他對所有水上活動都非常熱愛。上星期小齊來港為電影宣傳,其住在南丫島的朋友通知他南丫島天后寶誕有龍舟大賽,問他能否抽空參加,小齊即一口答應。
輸少當贏
小齊當日由早上十一時扒到下午三時多,他說:「我哋之前分組賽已經分到最低級嗰一組,但都係包尾,喺決賽我梗係唔希望包尾啦,所以佢哋個個喺度唱《對面的女孩看過來》同我打氣,搞到我好鬼感動。最終我哋都不負所望贏咗,不過係由尾數上嚟第二,唔使包尾已經好開心,我重跳咗落水慶祝。」
小齊當年在台灣讀書時,每年生日也會與朋友扒龍舟,他說台灣的龍舟比香港的大得多。但由於小齊並非專業選手,所以在台灣時也經常包尾,今次得到尾二,已成為他最佳的生日禮物。
離島置業
小齊因為工作的關係經常來港,當他發現南丫島這個地方,他便愛上這個小島,他本想在南丫島置業,但已有朋友助他完成心願,小齊說:「我其中一個朋友同我講,佢有好多間屋喺南丫島,如果我想住就畀一間我住,佢話我又唔係成日喺香港,間屋冇人打理,𠵱家有免費宿舍咪重好。」
撰文:胡比