當年今日
關於我們

【圖輯】43歲發漲宣萱失修脹廿磅

蘋果日報 2013/09/12 06:00

飛虎宣萱永恆的癲馬RuanBester暴肥20磅

日前有報道,圖文並茂,話43歲嘅宣萱,自從前年同外籍獸醫男友RuanBester分手後,正式加入剩女行列,感情生活陷入兩年空窗期間。之前佢同邵美琪一樣,鮮有返內地拍劇,但依家形勢當然唔同晒啦,而宣萱自去年為無綫拍過《飛虎》後,隨即返回內地拍劇賺人仔,以工作麻醉自己療情傷。報道仲話,感情生活dry爆嘅宣萱,寄情於美食之上,日日同劇組人員大飲大食,暴肥20磅,連內地劇集嘅導演都叫佢縮肚。

可惜宣萱仲係忍唔到口,包包面,麒麟臂,水桶腰,三摺下巴,全部無所遁形,仲話連曾合作過嘅林子善,齋睇相都唔認得佢。咁啱得咁橋,噚日報道一出,同一晚宣萱應邀到演藝學院欣賞法國歌舞劇《永恆的癲馬》,影相時四萬咁口,包包面三摺下巴任影唔嬲,但就堅拒做訪問;同唐寧及羅敏莊等人影完合照後即匆匆入場,再三邀請都係唔肯做訪問。