政府趕絕小販並非一日之寒，青年新政梁頌恆記得，去年農曆新年本土民主前線也在旺角守護小販，凌晨留下幫忙清理垃圾，被冠上「左膠」之名。一年後，同一班青年卻被指為「暴徒」。梁認為掟磚觸發點是警察無理驅趕人群及開槍所致，遠因則是政府未能解決港中矛盾等問題，促使市民慣以「自己方式」在街頭解決，「如果當權者持續無恥地將壓力推向民間，我相信一啲相對混亂畫面會陸續有嚟」。

記者白琳

若把旺角抗爭者掟磚直接牽扯到非暴力抗爭無效，梁頌恆認為過份簡化，「你現場聽到兩下槍聲，如果嗰下反應係驚多過嬲，就會走。嬲多過驚，就搵嘢掉佢，只係人類集體自衛機制，談唔上咁有邏輯話之前瞓街唔得就變咗掟磚」。他指當晚警察由亂揮警棍，到出動防暴隊拘捕路旁「食花生」的市民，再向人群射胡椒水，「佢唔係為咗驅散人群，呢班人後面冇路走」，至開槍達至爆發臨界點，「如果喺民主社會，警隊一定有人要問責。香港社會就係咁畸型」。

梁頌恆強調香港人「好現實」，做每一件事都希望有效果，「勇武派只係想解決問題，而唔係為咗威」。港中矛盾每天都在上演，幾乎每個月都有新的爭議，「唔同香港人suffer緊，呢班人久而久之聚埋一齊，問題解決唔到會慢慢趨向激進」。政府則等到有人踢篋、罵哭小孩，才把一簽多行變一周一行，「去到呢個地步先解決係好大鑊，唔好怪香港人下下同你嚟真」。

對於政府拒絕成立獨立調查委員會，梁指政府志不在解決衝突源頭，「唔係反思，而係打輿論戰，瘋狂將隻鑊推向抗爭者，就當件事解決咗。事實上呢班抗爭者會繼續存在，只會越來越多」。一味譴責抗爭者暴力的政黨也要反思，「冇人可以代表呢班人去解決問題，對抗爭者嚟講，反正個社會都係唔理我，咁咪繼續用自己方法去做」。