歐陽震華（Bobby）今日在商台接受訪問，他談及以前在大台「跑龍套」的日子，有時會遇到不能啞忍的時候。他說：「收到一個電話，佢叫我演嫖客，我問有冇對白，點知對方話『好嘢呀，又有女攬，又唔使咩對白，好好撈呀！』好似好唔尊重，我唔知為乜，咁我咪冚佢線，使客氣呀！有時過份係冇得啞忍，所以我可能得罪好多人。」

對於當年拍攝《壹號皇庭》前，Bobby表示曾想過不與無綫續約，「人工奀到幾千蚊一個月，嗰陣時做售貨員都起碼有10,000蚊，點知《壹號皇庭》出現，所以扭轉咗自己嘅諗法，但其實我拍完《壹號皇庭》I同II，我有離開過無綫，公司唔同我續約，由我流失，我話人工冇所謂，但我想轉部頭，佢冇覆我，我最記得拍完《壹號皇庭II》，我就約滿，我行出閘口，心諗『咁就唔要我喇？』點知我出到去，真係大開眼界，喺出面拍吓劇、低成本嘅戲，嗰1年賺嘅係喺無綫10年嘅錢。」

問到他為何之後又選擇返無綫？Bobby說：「因為《壹號皇庭III》開，大家歸隊，搵我返去傾，唔使傾啦，轉部頭，所以我係由93年開始轉咗部頭形式。」

--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
5月21日 10am-11pm
玩《MINI GAME大挑戰》
贏取魚鱻森虱目魚精共20份
https://bit.ly/2WigzsG
--------------------------------
【記住63836568】全民爆相爆片！下一個爆料王就係你
https://bit.ly/2Guolu9