「神奇小子」曹星如（Rex）出戰約旦奧運拳擊資格賽如箭在弦，假如他最終躋身前六，即成56年來首位打入奧運的香港拳手。比賽在即，曾經與他同門訓練的潘啟情（Raymond）陣前點出Rex擁經驗優勢，而且步法速度比從前大有進步，且看他能否把握機會，於芸芸好手中脫穎而出。
記者：洪量丰　攝影：何量鈞

自Rex2017年對決河野公平一役受傷後，未有繼續職業生涯，反轉戰業餘拳壇挑戰奧運，然而兩種拳擊賽風格迥異，單論回合數，前者動輒打上10、12回合，後者以三回合決勝，有人比喻兩者分別似長跑和短跑之差，職業拳手適應速戰速決的難度甚高，Rex也坦言需長時間去摸索業餘拳擊節奏。

「打十幾吓都打唔中頭」

曾為Rex同門師弟的Raymond明言，Rex以往比賽前數回合習慣試探對手，身體記憶或成習慣，為免浪費機會，他認為Rex務必要擺脫慢熱風格，「業餘拳擊如果用一回合嚟睇對方係好奢侈 ，爆發力係好重要。」兩人近年曾對打切磋，Raymond感覺Rex閃避速度遠超昔日，漸漸投入業餘風格，「以前佢力量好啲，但轉業餘之後步法同埋頭嘅閃避速度都比以前好咗好多，我好難打中佢個頭，打十零廿吓，可能一下都唔中，而且佢距離控制又比以前好咗。」

連打九日體能負荷大

坊間不少言論認為，多數參加奧運拳擊的運動員年紀輕輕，拳怕少壯，年屆32歲的Rex或陷體能劣勢，而且不似職業拳賽起碼相隔半載再戰，奧運拳擊資格賽一連九日舉行，拳手體能負擔極大，但Raymond認為Rex足以用經驗彌補，「佢嘅對手好多都係20出頭，新陳代謝快啲，不過始終Rex打職業拳擊好耐，經驗好豐富，甚至曾經同世界拳王對打練習。」Rex征戰沙場多年，經驗豐富，然而亦屢次受傷，頭部和眼部創傷尤其明顯，拳頭無眼，Raymond表示業餘拳手為要令裁判留下主導賽事的印象，傾向攻擊對手頭部，故Rex必要小心受傷，「傷勢預防同保護真係好重要， 眼角爆真係好影響下一場，花士苓搽完之後嗰刻係好快冇事，不過人哋亦都好容易拳套一擦過就令到你又出血，都係嗰句『Protect yourself at times』（無時無刻皆要保護自己）。」

奧運資格賽採淘汰制，賽事形勢多變，Rex入奧之路變數眾多，「籤運」同樣關鍵，今次賽事各路人馬聚首約旦，Raymond特別點名日本57公斤級的代表堤駿斗，此子為日本拳擊超新星，前手難以捉摸，被喻為「井上尚彌二世」，Raymond不諱言「如果對住佢，係一個非常難纏嘅對手」。