香港人愛遊日本，就算長週末，都要到此一遊，對於54歲的王媽媽繆月珠來說，終於圓了出國夢。上年10月，楓葉微紅，王海如與母親踏上旅途。「趁媽媽尚算健康，要帶她看一看呢個世界」。仍是她熟悉的自由行，但遊遍大世界的海如直言，與輪椅媽媽同行，籌備這趟6日5夜的京阪之旅，卻是讓她最緊張的一次旅程，畢生難忘。

「以前自己去旅行，一定住hostel，真係買張機票，帶本《Lonely Planet》就出發。今次同媽咪去，一早訂晒酒店，又預先同航空公司講定要用升降台，就算係景點，都預先睇定，確定係咪有無障礙設施先去」。週遊窮鄉僻壤，海如謂過去很少去發達都會，這些年，港人最愛的日本，僅去過一次，且是為了開會的過客，今次與媽媽出遊，她慎重得一早定好每日行程，嚴陣以待。

「今次第一次出國，之前大哥同我其實都帶過媽媽去過北京，但大陸嘅無障礙設施真係好不足，就連坐的士都無人願載，整個旅程都唔容易」。反觀日本，下機前工作人員已預備好升降台，部分酒店亦設無障礙房間，遇上大斜路，不相識的路人紛紛伸出援手。首次母女同行，兩人的第一步，小妮子說沒想像的困難。

記者 呂麗嬋