今日無綫大晒冷,話請來逾300位藝員一齊影大合照兼拍宣傳片,但啲卡士真係呢……有黎耀祥、馬國明、徐子珊、胡杏兒、黃宗澤等等。好多人出席,亦有好多人出席唔到,除咗林峯要返內地拍劇之外,陳豪都冇嚟。樂易玲透露其實陳豪都想嚟,無奈為免係咁俾記者追問陳茵媺係咪有咗,所以最後決定唔嚟。
排位如下:
第一排(左起)蕭正楠、李詩韻、陳展鵬、田蕊妮、黎耀祥、陳百祥、汪明荃、鄭裕玲、馬國明、胡杏兒、黃宗澤、徐子珊同王祖藍
第二排(左起)胡定欣、黃賢智,陳敏之、黃德斌、關菊英、錢嘉樂、薛家燕、李司棋、吳啟華、米雪、黃浩然、黃智雯、苟芸慧、岑麗香、陳智燊
企正中間,係阿姐;夾住佢嘅係嘟嘟同阿叻。馬明BB今次冇戴眼鏡,排前面,同視帝祥可謂平起平坐。最大整蠱,都係胡杏兒同黃宗澤呢pair,陰功,都分咗手咁耐,無綫仲要夾佢兩個企埋一齊,咁啱今日又有雜誌封面話黃宗澤一拖三女夜蒲斷正,尷尬到不得了。結果杏兒只能夠同馬明雞啄不斷,希望令氣氛瘁冇咁尷啦。