拍拖選購BB用品
馮仁昭四圍超：杜挺豪、黃璦瑤07報雙喜
蘋果日報 2006/11/20 00:00
杜挺豪同黃璦瑤上星期五喺九龍灣德福商場拍拖，十分煙韌。- 99年嘅港男冠軍杜挺豪（左一），同演藝學院畢業嘅黃璦瑤（右一）01年因合拍亞視劇集《妳想的愛》而擦出愛火花。 劇照
- 杜挺豪陪未來老婆買BB衫，唔知BB係男定係女呢？
- 黃璦瑤同杜挺豪拖手仔睇BB用品，睇女方笑得咁開心，就知佢幾咁幸福。
近日娛樂圈喜事重重，繼張智霖同袁詠儀、以及吳家樂同周蕙蕙先後榮升父母之後，同99年亞視港男冠軍杜挺豪拍拖六年嘅亞視藝員黃璦瑤已經有咗4個月身孕，嚟緊07年佢哋又結婚又生BB，真係雙喜臨門！
上星期五，馮仁昭喺九龍灣德福廣場撞到亞視藝員杜挺豪同黃璦瑤，見佢哋又攬又拖，好鬼親熱，但最令馮仁昭意外嘅，係佢哋竟然不停睇BB用品，而着住鬆身衫嘅黃璦瑤又明顯肥咗，莫非佢有咗？
馮仁昭忍唔住走去問兩位當事人，黃璦瑤好sweet咁拖住杜挺豪話：「我有咗4個幾月，我哋都拍咗拖6年，生BB都係我哋計劃之內嘅事！」問佢哋幾時結婚擺酒，杜挺豪就話：「我哋未決定，可能等BB出世之後先至擺酒結婚，不過我媽咪同嫲嫲下個月會由加拿大返香港，到時點都會擺幾圍同屋企人食吓飯嘅！」
馮仁昭忍唔住走去問兩位當事人，黃璦瑤好sweet咁拖住杜挺豪話：「我有咗4個幾月，我哋都拍咗拖6年，生BB都係我哋計劃之內嘅事！」問佢哋幾時結婚擺酒，杜挺豪就話：「我哋未決定，可能等BB出世之後先至擺酒結婚，不過我媽咪同嫲嫲下個月會由加拿大返香港，到時點都會擺幾圍同屋企人食吓飯嘅！」