甚麼都電子化？今年o靚模的寫真戰，也有4名新女范安妮（Cheryl）、張伊琳（Yilyn）、余海娜（Hana）和陳思晴（Kristie ）會在今年的書展推出電子寫真集，只要支付10元便可以在相關網站下載她們新書中的靚相任睇，負責人Admond今日接受《蘋果》訪問時說：「買家可以跟網站指示，揀選咗想睇邊個靚女嘅寫真，然後付款，首輪會以10蚊優惠價益大家，上網畀咗錢，我哋會電郵買家一條link，佢哋可以下載到一個PDF file，裏邊就有一套約40張嘅靚相任你睇。」

寫真的賣點鬥，少不免眾女鬥靚鬥身材，其中21歲的Yilyn和24歲的Cheryl一直做開KOL，她們早已在網絡儲下不少粉絲。Cheryl三圍34C、25、35，擁有上鏡臉孔，她表示自己的電子真有賣點：「好多人話我似何超蓮，我有拍過網絡電影，知道擺乜嘢甫士出鏡靚同自然。」Cheryl除了倒瀉C奶，還出「股惑」，她續說：「寫真入面，我會着一件大露背衫去到屁股位置，騷自己個優質股，呢次都算係我最性感尺度。」

三圍是33C、22、34的Yilyn笑言被稱「翻版張秀文」，她說：「我當然係年輕版啦，哈哈。我身形雖然比較細粒，但整個人比例都平均，後生算係我其中一個賣點。」年紀最細、22歲的Kristie擁有34D導彈胸，她的電子寫真會以男友視角方法拍攝，她說：「我知道自己畀人嬌柔感覺，朋友都話我對眼圓碌碌、水汪汪，好多男生話好想保護我，照顧我。所以今次我就做大眾女朋友，用男友視角手法拍攝，我諗大家睇時都會忍唔住下載晒我啲靚相保護我。」

現年27歲的Hana是泰國香港混血兒，膚色較深的她天生一對逼爆D奶，豐滿上圍同時有圓潤肢腰，Hana的樣子還有幾分「蝦頭」楊思敏的影子，相信較適合另類粉絲，Hana的電子寫真會玩cosplay，她說：「我有出動自己套私伙女僕裝，講真我平時唔會夠膽咁着，但影寫真就冇所謂，我都趁呢次儲多啲靚相。」

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新