韓國男星宋仲基憑人氣劇《太陽的後裔》上位，而呢位男神每次現身時都大sell親民，不過原來佢於片場時就好嚴肅，對後輩要求都幾高。

於《太陽的後裔》中飾演一等兵嘅男星金敏碩，早前演出節目《演藝家仲介》時就大爆宋仲基對新人好嚴格，表示：「宋仲基前輩意外地係位令人感到畏懼嘅前輩，佢嘅風格非常嚴格，對於需要改進嘅地方，係會直接講出嚟。雖然前輩令我感到好緊張，但我從佢身上都學到好多。」

另外，金敏碩亦提到陳久：「現實中跟陳久前輩嘅關係就跟劇中差唔多，前輩給予我好多勇氣，我真係好喜歡前輩。每日都跟喺哥後面，哥拍完劇之後就去拍電影，我會等佢拍完電影，再一齊去飲酒。」睇嚟陳久真係好得金敏碩歡心呀！