【去留議會●資源篇】欠議員身份削人手資源VS可透過眾籌支援運動
蘋果日報 2020/09/15 00:05
去留議會陳志全尹兆堅
民主派延任與否，牽涉資源問題。也許有人認定有議員只為薪水，別無他求，實際卻有不少議員貼錢打工，如將多達三分二月薪「請人」，以議員身份「養起」大批推動民主運動的無名英雄，或透過辦事處聘請「手足」、培育新晉進攻議會等。杯葛議會一年，意味要「炒人」離場，有主留派民主派坦言欠缺議員身份對自身影響事小，反擔心瓦解支援民主運動的人手與資源；非主留派坦言相信能夠透過眾籌覓得所需資源。
坊間一片民主派去或留的討論中，包括有人質疑主留派只是為了約每月10萬元的酬金。表明以民調決定去留的民主黨，該黨新界西立法會議員尹兆堅接受《蘋果》查詢時透露，其三分二議員酬金用來「請人、請手足」，以及上繳民主黨維持政黨的生存：「我真正嘅月薪係少過一個區議員（約3萬多元）。」
尹兆堅指其地區辦事處共聘請約20多人，包括兩、三名「手足」，每次有訊息要發放，例如動員市民上街或聯署支持、網上帖文、單張設計、開街站宣傳，統統也是人手：「如果冇咗呢隊人，我哋成個宣傳戰真係要停晒，係『事好多倍而功半』。其實建制派都係做緊同一樣嘢，不過我哋個黨咁多位議員夾埋（議員每月實報實銷、營運開支）有600、700萬，佢哋有6,000、7,000萬（元）。」
尹兆堅：遊行集會多由議員職員背後出力
尹兆堅認為，失去議員身份意味組織遊行或集會的資源和人手都會大幅減少。資料圖片
一旦失去議員身份，必須遣散所有員工，尹指單是民主黨一眾議員已有100多人或面臨失業，他旗下5個辦事處也要停運；如所有民主派議員一起遣散，料受影響人數達200、300人。
他強調，一場足以撼動政權決定的遊行集會，多是由議員身份聘請在背後安排大小事務的職員出力：「民陣每次遊行，嗰部車咪係民主黨囉，我哋要搵黨工去揸車、搵人做文宣、做舉牌嘅紙牌、搬運物資，好濕碎嘅嘢都係有人要去做⋯⋯每次有人被捕，有個支援熱線，係邊個聽？咪就我係我哋同事聽，聽完要轉介畀民陣、律師團隊，即時走去警署門口記低人名，都係我哋各個辦事處同事去做，背後我哋有一個平台，將被捕者嘅訊息傳去大組，等律師、星火團隊派人去，呢啲全部都係無名英雄。」
尹指，失去資源不代表「即時死亡」，乃是代表資源和人手會大打折扣。他倡議所有拒絕延任一年的人回應，在失去資源和人手下，「如何重整步伐？」「如果大家有出路，大家咪跟囉。但唔可以憑空講一樣嘢，但冇諗過（杯葛議會）在現實下嘅嚴重打擊。」
陳志全：有信心可在社會籌得足夠資源
「慢必」陳志全則相信，資源減少的問題可透過眾籌解決。資料圖片
不過主張不延任的人民力量陳志全則強調，絕大部份職員也支持他不留任，而他個人亦明白失去議員的資源一年，會對工作大受影響，但他相信能透過眾籌把資源籌回來：「如果有決心，係會喺社會上籌得返嚿錢返嚟。大家會睇到我哋付出幾多，睇吓值唔值得支持、幫助。」
他指，自己也正擔心結束議員辦事處和職員的長期服務金會否受不延任所影響，部份建制派已表明要做畢未來一年任期才發放，「呢個都有壓力，但呢個係枝節問題，唔係一個大是大非問題。如果市民支持我哋，眾籌呢嚿遣散費，市民會幫助囉。籌唔足就自己畀，我哋老細嚟㗎嘛，有啲同事話唔收都得。」
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！