今晚澳門美高梅劇院舉行盛大派對，美高梅聯席主席兼執行董事何超瓊邀請咗好多嘉賓一齊開party，包括澳洲天后Kylie Minogue、泰國變性演員Poyd、名模Danielle、樂基兒同張新悅夫婦。

何超瓊以主人家身份出席，有同崔始源集郵影相，成功握手，又話自己係崔始源fans，講到Kylie有份表演，何超瓊話同Kylie係同一個時期，仲講笑話唔想透露歲數：「我好欣賞佢嘅音樂，尤其係我好enjoy party時候，佢嘅音樂好盛行。」佢又讚Kylie唱得跳得：「同我高度差唔多，但好有台型。」何超瓊話今日下晝已經見過對方，但當時冇乜交流，希望喺party上有機會合照。

何超瓊今日呢身造型最亮眼係頭頂上嘅小皇冠，甚有女皇氣勢，嚟緊美高梅劇院會有個視覺廣場，展出各地收藏品，何超瓊話：「美高梅有好多藝術空間，嚟緊想同中國、亞洲收藏家做展覽。」佢又話自己仍然處於欣賞角度多啲，等遲啲退休有多啲時間先學習更多收藏智識。

精選娛聞，喺晒《娛果》
http://fb.com/appledailyent