吳光正與本地眾多富豪一樣，在山頂施勳道擁有物業。九十年代，吳光正花費5150萬向渣打銀行購入施勳道36號「大班屋」，但懷疑吳光正「住落後」覺得地方唔見洗，曾於2011年及2014年度，兩次向屋宇署申請重建圖則，並獲批出，惟於2016年才正式動工重建。

資訊顯示，大宅樓齡逾70年，重建前實用面積約7,069方呎，從2014年批出建築圖則所見，大宅將重建成1幢兩層高、連一層地庫的洋房，總樓面9,282方呎，較舊宅面積大31%或2,213方呎。而施勳道能擁有望維港海景洋房，估計大屋重建後呎價可逾15至20萬元，市值近20億元。

本報本年3月曾直擊上址，現場所見，舊宅已經完全拆去，新宅兩層高的結構已興建完成，估計正處理外牆裝修等工作。有別不少山頂大屋外牆採用歐式典雅設計，吳光正山頂大屋外牆多玻璃窗戶，以爭取充足採光度，屬新派豪宅設計。

至於那位沽貨的渣打大班名為黎恪義，當時為渣打銀行中港澳區總經理，1992年初，因渣打旗下印度孟買商人銀行有員工動用銀行存款炒賣股票損手，需要賤賣香港物業救亡，故此連總部中環渣打銀行大廈，及大班屋亦要變賣套現。吳光正便於1993年，以5,150萬元執到筍盤。

山頂施勳道曾被外國傳媒評選為全球最貴住宅街道首位，匯聚城中富豪，卓能集團（131）主席趙世曾、世房（813）主席許榮茂、大生地產（089）馬氏家族等。

會德豐過去幾年賣樓採用貨如輪轉策略，去年更售出約2,000個住宅單位、吸金逾200億元，銷售金額緊隨新地（016）之後排第二位。會德豐在港發展物業多年，九七前有大埔倚龍山莊，隨後有鑽石山星河明居，近年積極買地建住宅，物業質素由以往被網民批評「漏水、間隔唔好」至近年旗下有屋苑「聽講唔興放座頭」，質素好壞參半。

回顧會德豐多年物業發展，九十年代已有多個屋苑落成，包括金融風暴來襲前發售的大埔倚龍山莊，有網民指「倚龍好多都勁漏水、位置又唔好」，97年金融風暴淹至，會德豐在當年的平安夜，以震撼價每方呎建築呎價5000餘元開賣鑽石山星河明居、為樓市帶來震盪，接着發展九龍塘又一居、大圍聚龍居等。百億地王的山頂聶歌信山道MOUNT NICHOLSON，南豐與會德豐聯手發展，2016年開賣，呎價屢破10萬元，被冠上「亞洲樓王」之譽。

詹Sir評物業質素 分數「就係上唔到9字」

資深驗樓師詹濟南表示，會德豐建屋質素近年有進步，越趨成熟，落成的多個新晉屋苑，包括將軍澳The Parkside及屯門NAPA更獲得「五星級屋苑」大獎。詹Sir驗樓無數，多年來已驗收會德豐旗下數百個單位。

被問到分數如何，詹Sir指，廚房和廁所通常都做得靚，但油漆就一時時，視乎選用哪間承建商，如將軍澳CAPRI由金門建築承建，同區Savannah就是新世界（017）旗下協興建築，尖沙嘴Grand Austin承建商是中國海外，「而家我就發覺大啲嘅建築公司，就處理得好啲，比如金門呀，協興呀會處理得好少少」，如是二線承建商，交樓質素就「二線啲囉」，詹Sir提醒市民，買樓應留意發展商選擇甚麼承建商。

詹Sir對會德豐樓的評分，整體拉勻70至80分，「就係上唔到9字，冇話新地、信和、新世界、恒基成日上9字，通常都是徘徊80分」，交樓質素只屬二線，上不到一線。據他專業驗樓經驗，除了新地、信和、新世界及恒基四大地產商屬一線外，其他就是二線，包括會德豐及嘉里等。但他相信，會德豐還有進步空間，能夠發揮得更好，取決於委聘甚麼判頭。詹Sir早前驗收CAPRI個別單位更驚見50分。

記者:黃朗鈞 朱連峰