馬同人一樣分公乸，由於雄馬脾性比較剛烈，為咗方便訓練，故絕大部份現役馬都已經被閹咗，唔再屬於雄馬身份。
按馬會最新公佈之名單，現役雄馬暫有28匹，當中包括到埗冇耐之兩匹新血V009及V005。未閹還未閹，呢批雄馬剛季整體表現絕對唔曳，好似「酷男」、「阿甘」同「人民武士」、「軍火」各贏兩次，「巨無霸」、「電子群英」亦有頭馬紀錄。不過幕後為長遠利益計，唔排除往後會安排旗下雄馬接受閹割。