【新增影片】24歲「美人魚」歐鎧淳BB三個月前同退役水球手陳浩軒(Jonathan)分手，今日被爆同拍電影《點五步》嘅香港棒球代表胡子彤(Tony)拍拖(新聞連結： http://bit.ly/2fjtKnX )。

淳BB喺今年奧運做持旗手，旋即被封網上「女神」，估唔到咁快又被私有!

胡子彤接受《蘋果》訪問，就話：「你好!你好!我是子彤，多謝你哋關心，因為我剛同家人喺沖繩去完旅行返嚟，跟住就飛多倫多電影節，多謝你哋!」

問佢係唔係同淳BB拍拖，胡子彤亦直認戀情：「o依家我同佢都叫做剛開始，希望大家俾多啲空間我哋，現階段工作剛開始起步，都係想專注喺工作上更加多，希望大家俾多啲空間我哋兩個繼續為自己嘅目標努力，thank you!」至於下星期嘅金馬獎，子彤話女朋友唔會去，但會同媽媽行紅地毯。