【新增內容及圖片】

由李昇基、車勝元、吳漣序等人主演嘅tvN韓劇《和遊記》，雖然去年12月首播時一度發生嚴重放送事故，以及涉嫌隱瞞工作人員受傷嘅事而引起爭議，不過就唔影響收視，收視仍然Keep住升。

而《和遊記》噚晚播出第19集，劇情講到惡靈阿斯女(李世榮飾)召喚黑龍，差啲造成世界毀滅，而「三藏」吳漣序就打算用自己嘅血嚟阻止呢件事發生，點知就同與阿斯女一夥嘅姜大成(宋鍾鎬飾)發生爭執，最後被姜大成用刀刺傷，流太多血而死喺「孫悟空」李昇基嘅懷中，立即刺激收視由上集嘅5.472%升至5.945%。不過劇集將於今晚大結局，由於吳漣序嘅死，令劇迷都好擔心會係sad ending。

另外，《和遊記》劇組今日夜晚喺首爾汝矣島舉行煞科宴，一眾演員如吳漣序、李世榮、李洪基等都有出席，吳漣序更獲現場粉絲送上花束祝賀，不過李昇基、車勝元就冇影。

更多韓流，喺晒《娛果》
http://fb.com/appledailyent