究竟係三角定四角關係？

楊冪x劉愷威
劉愷威x王鷗
王鷗x張戈

俾大陸「全明星探」爆料指劉愷威三度夜探王鷗酒店房，「摸黑對劇本」一事，今日再有網民爆料，指王鷗原來同藝人張戈拍過拖，而且仲結咗婚!連求婚相同婚紗相都俾網民搵晒出嚟。

咁啱，今日王鷗終於現身，到南京出席代言活動，全程甜笑，同fans「互動」，分享下蛋糕咁，10分鐘快閃。

緋聞嘅嘢，炒熱人氣，酬金仲可以嗌高啲添！事後王鷗都有接受傳媒訪問，內容大意係：
1.同劉愷威係朋友
2.同張戈係拍過拖，有求婚
3.同張戈未結婚就散咗
4.結婚相係廣告相
5.重申冇介入過任何人嘅婚姻

除咗婚姻狀況，王鷗亦捲入「變臉」疑雲。出道多年，王鷗憑《琅琊榜》飾演秦般若一角走紅，同其他女星一樣，越來越靚而且五官更立體，腮骨唔見埋，下巴同個鼻、眼睛都唔同咗。

劉愷威點睇？