【昔日好友】譚小環、渣哥曾與謝振中合照 逆權運動心痛割席
蘋果日報 2019/09/02 22:48
譚小環割席渣哥謝振中逆權運動
譚小環及老公蔡強榮為支持抗爭者，早前兩人的食肆渣哥就加入「助養」行列，幫抗爭者醫肚。昨晚渣哥在facebook指，運動發起後多間分店要提早關門，雖然受影響，但沒有怨言，非常體諒示威行動。
不過有人發現，兩年前渣哥旺角店開張，現任警察公共關係科總警司謝振中都有受邀出席，譚小環、蔡強榮與謝sir合照，並留言：「謝謝謝sir。」兩年後今日有網民發現舊照，渣哥晚上開post說：「事實佢曾經係我好好朋友，但由6月開始大家無再聯絡了。大家身分、處境、睇法不同，在自由社會，各自有權自由選擇，我唔覺得有任何問題。」渣哥又講起自己的歷史：「我更曾經係國際警察協會香港分會嘅名譽會長，但在多年前已辭掉，所以之前我確實認識很多警察。想坦白講，渣哥並非小混混，事業早就略有所成，亦認識很多人，例如30年前民主歌聲獻中華，台上很多我都認識，30年後今天，錯可以算成是我嘛？」
渣哥又指在留言中看到一些難聽說話：「我無嬲，只係有點失望。」渣哥在最後講得特別心痛：「我曾經講過我痛心疾首，大家而家或者會更加明白，我，或者比很多痛心疾首的人更加痛心疾首！」
譚小環及老公蔡強榮小食店兩年前開張，謝振中受邀出席。
今日渣哥指曾與謝振中好好朋友，不過自6月中已沒有聯絡。