陀螺熱直逼深圳大街小巷
孖裝陀螺發光兼發聲
呢套二合一珍藏版孖裝陀螺以膠箱承載，帶出街玩最方便。最突出係附送兩個陀螺，一大一細，細陀螺因中間部份以金屬製造，所以轉動時較穩；而大陀螺Fing出後則會發光兼發聲，相當好玩，係東門最好賣嘅玩具之首。
青翼白龍陀螺質素一般
由於喺深圳所有陀螺玩具均為老翻貨，所以質素相當參差，但想買到正版就十分困難。正如呢套青翼白龍陀螺，陀螺一樣可發聲兼發光，但因爆旋器膠料差，拉扯時隨時從手掣跌出，質素麻麻。
玄武聖獸套裝銷情普通
同樣識得發光及發聲嘅玄武聖獸陀螺套裝，由於只得陀螺及爆旋器，所以要另配手掣唔夠化算，所以喺東門銷售量一般。
只供右迴轉 黑獅暴獸手掣
由於只得手掣一個並無其他陀螺配件附送，所以淨掣售?8就並不化算。