周日（15日）賽事葉楚航馬房共派12駒列陣，睇陣容連場出擊乃理所當然之事。同時要留意C加3欄對檔位帶來的影響，臨場跑道形勢非常重要。田泰安今季拋韁推騎方面有改善，第四場「利之喜」冷味盎然。

第四場五班草地1400米：「開心大師」上季尾接連在四班入位，上仗落五班用雷神，就因為走錯位而錯失良機，今戰隔七日匆出，但單薄馬輕咗16磅，換潘頓都唔敢做膽。「依斯堅」上仗直路仍然出錯腳，認定唔可以困在馬群中競跑，抽2檔又係有隱憂。

博半冷門「利之喜」，來港三季實際只跑過九仗，上季5月復出後三戰取一亞兩殿，確認進度已納入正軌，最後一戰輸畀「麯院風荷」，後駒今季再出再贏，賽績夠說服力。

再睇整套操練程序，「利之喜」跑後隔一個星期便在從化復課，其間操練一直未停過，試泥閘跟跑姿態輕鬆，單跳懶洋洋純粹與戴耳套有關，落場跑沒有任何附加配備便會醒神，今季蘇保羅戰馬普遍狀態來得理想，未見底之馬可以秤先。

第五場三班草地1200米：選擇範圍離不開「良才」、「朝五晚九」及「加州更好」，再數加埋班底較高，上仗復見有接近演出的「一片光明」。

馬膽揀「加州更好」，開鑼日（1日）同程排11檔，沿途走二叠望空，直路300米杜美爾開始郁手騎，拉士100米才打鞭，從未受威脅下彈甩贏馬，姿態輕鬆。

證明四歲法國馬今季開始踏入黃金期，隔兩周升班再出，體重方面重18磅，乃優點其一，其二係杜美爾停賽，告東尼不敢怠慢搵雷神操刀，加強配搭孭116磅，抽5檔跑法機動，守食糊位，放頭馬「良才」未必可以捱到尾。

「朝五晚九」已減夠分，重口馬在韁繩較柔的潘頓胯下，期望有突破性演出。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港