特首林鄭月娥拒聽民意反對《逃犯條例》修訂，促使大量巿民到政總示威，上周三更爆發警民衝突，警方速龍小隊被質疑使用過份武力清場。保安局局長李家超前日重申「速龍小隊」的特別工作服沒有位置展示警員編號，不過無論在16年在旺角清場，或是上周日清場時，速龍小隊制服上仍有編號。2015年十優港姐冠軍麥明詩關注此事，她前日在Ig轉發朋友訊息：「X你老X，港姐套泳衣都展示到編號。你同我講全身武裝嘅警察唔得？」明寸李家超強詞奪理。

暗撐反送中遊行

過往麥明詩都有討論過社會議題，民陣上周日發起反送中惡法遊行，有103萬港人上街，麥明詩當晚即以早前踩單車到柬埔寨為引子，寫上：「有啲目標，聽落好似好荒謬，一個人就算點努力，都無可能完成。不過，再荒謬嘅目標，再遙遠嘅距離，無論過程幾辛苦都好，一班人齊心，就乜嘢都有可能！」此言一出，麥明詩即被讚曲線表態，值得尊重。

不過視后李佳芯（Ali）日前在微博寫下：「同學們考試加油！人生旅途上，太多的考驗與試煉，在等待着我們」，卻惹來內地網民指罵，直斥她是「港獨」。Ali前日出席活動，已表示自己是抒發感情，不需要特意解釋，問心無愧。不過一班內地網民依然窮追猛打，而Ali粉絲就心痛偶像無辜受牽連，在微博護Ali：「做乜都要問過內地網民？點解全世界所有嘢都要圍住內地人轉？」又有粉絲大讚Ali在新劇演醫生表現出色，有望冧莊視后。
撰文：陳杰