張家瑩、筱靖、唐貝詩、唐貝欣、姜麗文、陳蕊蕊、陶枳樽等今晚喺九龍海逸君綽酒店出席一個內衣品牌慈善活動，張家瑩低胸上陣，佢話喺外國讀書時已穿束衣，佢解釋﹕「以前身型比較肥，着咗束衣之後明顯瘦咗，所以我都信矯型內衣功效。」

而唐貝詩就第一次接拍電影，有機會同王宗堯合作拍電影版《導火新聞線》，佢話已經極速上網煲晒電視劇，佢話﹕「由於我自細就被媒體追訪，對於媒體嘅印象可以話又愛又恨。當睇完呢個劇之後，我更加感受到做記者嘅處境。我喺電影版中係一個小記者沙沙，跟住王宗堯跑新聞。因為我喺電影工作也是一個新人，某程度上跟我本身和電影入面的角色很相似。而當記者的角色也比較有挑戰性，所以我很高興能得到這次機會！」