隔牆有耳：《100毛》開網台 𡁻海珠、黃碗曼坐鎮
毛記電視寸爆TVB - 李八方
蘋果日報 2015/05/12 00:00
如果嫌「無綫新聞、事事旦旦」冇料到，八方推介大家喺5月18號起逢周一至五嘅晚上六點半，轉睇由《100毛》主理、即將開台嘅網台「毛記電視」嘅「六點半左右新聞報道」，事關「毛記電視」話明會以「3粒鐘製作，3分鐘放送」，內容咁濃縮，一定唔會求其啩，齋睇佢哋口號係「毛記新聞，事事花生」，就知會令大家好滿足。
嗱，要贏人先要贏自己，八方都睇過「六點半左右新聞報道」嘅預告短片，發現佢哋嘅台柱主播，唔輸蝕畀無綫㗎，順手拈來有𡁻海珠、東方昇、黃碗曼、周嘉鹽、男秉權、利君牙、55555家謙以及吳檸儁，真係粒粒皆星。再睇佢哋識得問垃圾桶攞回應，就知佢哋全台嘅新聞「觸角」幾咁犀利。
嗱，要贏人先要贏自己，八方都睇過「六點半左右新聞報道」嘅預告短片，發現佢哋嘅台柱主播，唔輸蝕畀無綫㗎，順手拈來有𡁻海珠、東方昇、黃碗曼、周嘉鹽、男秉權、利君牙、55555家謙以及吳檸儁，真係粒粒皆星。再睇佢哋識得問垃圾桶攞回應，就知佢哋全台嘅新聞「觸角」幾咁犀利。
毛記新聞搵嚟一眾「名主播」，製作「六點半左右新聞報道」。
葉家寶都撐
唔少記者都會攀山涉水搵獨家猛料，「毛記電視」亦都話會以拼搏精神，挽回劣質製作，更會深入險境，直擊「毛」聊真相，係咪聽到心癢癢，好想即刻轉台搵啲生趣？唔知tvbuddy會否考慮過檔呢？
但八方都要提醒大家，由於呢個由《100毛》搞嘅「毛記電視」，早前雖然想申請免費電視牌照，但因為懶填表格而撤回申請，最終只係轉戰網上。佢哋早前仲派員去咗問亞視執行董事葉家寶點睇，結果獲葉家寶真實回應，好多人都利用網絡充份發揮創意，簡直係打咗支強心針。
但八方都要提醒大家，由於呢個由《100毛》搞嘅「毛記電視」，早前雖然想申請免費電視牌照，但因為懶填表格而撤回申請，最終只係轉戰網上。佢哋早前仲派員去咗問亞視執行董事葉家寶點睇，結果獲葉家寶真實回應，好多人都利用網絡充份發揮創意，簡直係打咗支強心針。
早前葉家寶被問及《100毛》搞網台，真心盛讚網上創意。