【本報訊】「覺得好折墮，賣啲假貨畀BB用！」Julian是YamazakiBaby山崎玩具網店熟客，購買的其中一件牙刷狀牙膠產品，部份膠質已破損，她懷疑女兒已吞下肚，擔心會有後遺症。

「賣假貨畀BB好折墮」

Julian的女兒現時已14個月大，Julian表示她於懷孕期間已開始「做功課」，在網上瀏覽有關嬰兒產品的資訊，去年10月在朋友介紹下首次在該網店購物，至今已買了6次，花費約2,000元，購入牙刷狀牙膠、口水肩、儲物袋、床鈴及公仔等用品。
「個女店主事後仲會用關心口吻，問客人件貨好唔好用！」該網店未被踢爆前，Julian未察覺產品有異，只是發現產品較易脫色及破損，至上周發現苦主群組後才知道買了假貨，最擔心牙膠缺了的一塊是被女兒吞了下肚。
她又指，該網店出售的產品價錢其實與正貨差不多，在內地入貨非常便宜：「佢食水都幾深，如果知道喺淘寶入貨，使乜同佢買，自己淘落嚟都得啦！」她表示，以後盡量在官網及實體店購買，避免再受騙。
■記者朱雅霜