巴士上，目睹小朋友向父母滙報每位親朋戚友封了多少利是，並將10蚊的歸類為cheap人，最少50蚊才算好人。令Samantha對收「吉」利是的食店阿姐尊敬起來，事關這年頭，唔係為錢，為「意頭」KO到別人入ICU的勇士唔多，試問屋企樓下個看更以至茶仔阿姐，有邊位新年是衝着「意頭」來的？

強國人早已摸清利是本質，故派利是的豪爽程度早已超越港人！有強國網站在新年做了統計，發現逾四分之一網民的利是錢達3,000人仔以上，收過萬元利是的聽聞都唔少，而統計局指，舊年城鎮居民人均月入也只不過2,247人仔。
不過利是始終是有限錢，送禮才是重點，一眾達官貴人每年來港掃貨，當然不止瓜子、奶粉、曲奇餅，雖然未見過用200條Hermès絲巾封利是咁誇張，但名畫名酒、金山銀山都是熱門送禮之選，據聞真的有純金純銀條逐條派。阿爺新年前嚴打送禮風，強國人可能要學劉華《無間道》嗰句：我都想做個好人！

Samantha
本欄逢周一、三、五刊出