大騎師也有烏龍時 潘頓一錯再錯 卒之搞到自己第二場由有變冇馬跑
潘頓龍船輝煌巨星第二場烏龍
踏入季尾,練馬師嘅爭標形勢越來越緊湊,騎師爭冠之戰亦開始好睇,潘頓追至落後莫雷拉14場頭馬,衛冕之路仍未絕望。
嚟緊呢16個賽馬日,兩位騎師都要小心選擇座騎,因為每匹馬嘅表現,都對冠軍騎師寶座起關鍵作用。
不過,偏偏潘頓喺周三(19日)夜賽擺咗一個超級大烏龍,第二場佢最初一時大意食咗兩家茶禮,同時接騎「龍船」同「輝煌巨星」。
當事人喺上周末(15日)發現後,決定策騎「輝煌巨星」,並向鄭俊偉講sorry,表示無法策騎「龍船」,鄭俊偉就搵巴度壓陣。
本來就冇乜大不了,但潘頓可能忙中有錯,又或者有大多事情要記,一時分神,竟然喺剛周日(16日)同阿Paul蘇保羅講自己落實騎「龍船」。
阿Paul聽到後,就拿拿聲搵波健士為「輝煌巨星」執韁。
到剛周一(17日)朝早排位公佈後,潘頓先發現自己擺老烏,變成於呢場五班1650米冇馬跑。
聽落好匪夷所思,但諗深一層,人始終係血肉之軀,犯錯總會有。
如果周三(19日)「龍船」或「輝煌巨星」贏馬,鞍上人多謝練馬師同馬主支持之餘,會唔會同潘頓講聲thank you呢?
如果今季莫雷拉最終以一場頭馬之差,力壓潘頓重奪冠軍騎師寶座,咁就有好多古講咯!
-----------------------------
借錢點先可以賺到盡?梗係要現金回贈越多越好啦!只要喺 2021年4月1日至2021年6月30日期間首次提取貸款,可即場獲獎賞現金高達港幣$5,000 ▲!
利用轉數快,足不出戶就完成手續,仲可以實現貸款瞬間過數^,星期日都照批★!。
推廣期由2021年4月1日至2021年6月30日 (包括首尾兩天)
須受條款及細則約束,詳情留意邦民日本財務(香港)網頁。