當年今日
關於我們

【賢仔Call馬】棄麥偉利重召雷神 霍利時得一想二(廖浩賢)

蘋果日報 2018/12/25 22:45

賢仔call馬麥偉利廖浩賢怡德雷神霍利時

「才」系今季陸續撤離葉廐,大部份名下馬由方廐接手。其中,「成才」早前已贏馬交代,明晚(26日)輪到「狀元才」上陣,在四班肯定超級,減夠分有好狀態支持,方仔今勻行運醫生醫病尾。另外,頭場時廐「怡德」越戰越勇,強配雷神有力再食頭糊。
第一場四班1650米:九匹馬場合,個人認為「舉世無雙」質素大超班,但前仗賽後氣管內有很血,上仗因步速變奏,直路騎落一滴都無,可能心智未熟,又或者其他未知原因,比較適宜抱觀望態度,只宜做腳。
講到實牙實齒,「怡德」無論上仗表現,今次賽前準備工夫,馬房報名途程及班次部署,再加上棄新勝拍檔麥偉利而復配舊戰友雷神,在任何一方面睇都具備贏馬條件。
「怡德」上仗在五班一哩,直路一度因取位欠順而成隻抽起,短短250米重新取得平衡,三兩步便將「堅離地」趕過,姿態非常出色。
此駒拼後保持正常快跳,排位朝(24日)最後試跑更有拉唔住勢頭,目前40分,棄第三場五班1800米,寧願四班負輕磅跑1650米,霍利時心意溢於言表,在C加3欄排1檔兼配雷神零死磅,擺到明食糊格局。
empty
怡德(近)上賽由麥偉利爆冷贏五班谷草1650米