現年45歲嘅蘇格蘭男星伊雲麥奎格（Ewan McGregor）拍攝嘅《迷幻列車2》（T2 Trainspotting）近日上映，距離首集已經有20年時間，佢算Keep得唔錯，不過喺劇集《雪花高離奇命案》（Fargo）第三季，佢就要挑戰扮演一名禿頭肥佬。

伊雲麥奎格喺劇中會分飾哥哥同細佬兩角，細佬Emmit係地產大亨，靚仔有錢又有個幸福家庭，反而哥哥Ray就中年發福又禿頭，仲好妒忌細佬。劇集最新預告見到伊雲麥奎格扮嘅哥哥Ray出場，見佢禿頭二撇雞造型，仲有個大肚腩，唔講真係認佢唔到，片段伊雲麥奎格與Mary Elizabeth Winstead喺餐廳，當見到一名女警走入嚟即刻心虛離開。而《雪花高離奇命案》第三季將於下月首播。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。