【李八方online】緋聞男友傍住出動 容海恩甜絲絲拉票
陳家珮李八方容海恩
大家覺得新民黨呢對金童玉女袁彌昌(右)同容海恩(一),襯唔襯?中為陳家珮。
滿佈抹黑嘅選舉氣氛之下,亦有啲甜蜜蜜嘅感覺調劑一下。新民黨呢次補選派出葉劉淑儀愛將陳家珮喺港島區出選,雖則民主派選情佔優,但該黨都盡地一煲,除咗主席葉劉,各黨友都瞓身支持,例如容海恩,可能都希望議會內多個黨友支持,更加出盡力撐撐撐!
有咩方法拉票時夠搶眼?孖住緋聞男友出動不愧為好方法。恩恩豬今朝7點半一身運動look,殺入鴨脷洲海怡社區會堂陪陳家珮投票,同行嘅仲有新民黨政策總裁袁彌昌。本來呢,袁彌昌都係新民黨職員,幫忙助選都唔特別,但又唔好忘記,據聞佢同容海恩撻著咗,已經蜜運一段日子,睇相見到恩恩豬笑得甜絲絲,似乎拍住拖一齊助選,不失為愛路上難忘事件。
立會補選新聞,《蘋果》一網睇晒
http://bit.ly/appledaily311